- Կարդալ առակը:
- Դուրս գրել անհասկանալի բառերը և բառարանի օգնությամբ բացատրել:
Երազահան — Երազներ մեկնող (մարդ)
- Ո՞րն է առակի ասելիքը:
Այս առակի ասելիքն այն էր, որ ամեն ինչ կախված չէ նրանից, թե ինչ կասես, այլ նրանից, թե ինչպես կասես: Այս առակում երկու երազահանները մի իմաստ արտահայտող բան ասացին, երկրորդ երազահանը ուրիշ կերպ բացատրեց տիրակալին, դրա համար էլ պարգևատրվեց, իսկ առաջին երազահանը բանտ նստեց:
- Շարադրիր քո մտքերը հետևյալ թեմայով՝ Կարևորը, թե ինչպես ես ասում:
?
Արևելքի տիրակալներից մեկը երազ է տեսնում. իբր թե մեկը մյուսի հետևից ընկնում են նրա բոլոր ատամները: Նա վախեցած իր մոտ է կանչում պալատական երազահաններին: Նրանք լսում են և ասում.
— Տե′ր, երազն այն մասին է զգուշացնում, որ շուտով դու կկորցնես քո բոլոր հարազատներին:
Տիրակալը բարկանում է և հրամայում խեղճին բանտ նետել: Հետո կանչում է ուրիշ երազահանի :Նա լսում է երազը, մի փոքր մտածում և ասում.
— Տե´ր իմ, երազն այն մասին է պատմում, որ դու ավելի երկար կապրես, քան քո բոլոր հարազատները:
Տիրակալն անասելի ուրախանում է և առատորեն վարձատրում երազահանին՝ լավ կանխատեսման համար: Պալատականները շատ էին զարմացել.
— Չէ՞ որ դու նրան ասացիր նույն բանը ,ինչ որ այն խեղճ նախորդը: Բայց ինչո՞ւ նա խիստ պատժվեց, իսկ դու պարգևատրվեցիր,_ հարցրին նրանք:
Հետևեց պատասխանը.
— Մենք երկուսս էլ միանման մեկնաբանեցինք երազը: Բայց ամեն ինչ կախված չէ նրանից, թե ինչ կասես, այլ նրանից, թե ինչպես կասես: