Երկնքի դարպասների մոտ: Խորխե Բուկայ
Պաուլո Կոելիո «Սուրբ Ծննդյան հեքիաթ սրինգ նվագող աղջկա մասին»
Month: Հունվարի 2021
Ջաննի Ռոդարի: Ջելսոմինոն խաբեբաների աշխարհում
Ես կարդացել եմ «Ջելսոմինոն խաբեբաների աշխարհում» գիրքը: Գիրքը շատ զվարճալի է, այն բավականին հետաքրքիր է: Մի տղա է լինում՝ Ջելսոմինոն: Նրա ձայնը շատ բարձր է լինում, այդ պատճառով էլ ունենում է տարբեր խնդիրներ, տեղի են ունենում տարբեր զվարճալի դեպքեր և այլն: Ես այն մեկ անգամ ևս կարդացել եմ, կարդացել եմ անցած տարի: Գիրքը ինձ նվիրել էր իմ մոտ ընկերուհին՝ Ասյան: Շատ բան չեմ կարողանա պատմել, գիրքը բավականին երկար է: Իրոք, շատ զվարճալի է:
Մի փոքր հեղինակից և նրա ստեղծագործական ոճի մասին կխոսեմ: Ռոդարիի ստեղծագործական ոճը շատ հետաքրքիր է և տարբերվող: Ըստ իս՝ կարող եմ համեմատել Վիլիամ Սարոյանի ստեղծագործական ոճի հետ: Սարոյանը նույնպես տարբերվող ձևով է ներկայացնում իր ասելիքը, զվարճալի և հետաքրքիր ստեղծագործություններ ունի:
Մի հետաքրքիր դեպք կարող եմ պատմել Ջելսոմինոյի արկածային կյանքից: Ջելսոմինոն գնաց մի խանութ, որտեղ պատին գրված էր՝ «Գրենական պիտույքներ»: Զարմանալի կհնչի, բայց այնտեղ մթերք էին վաճառում: Նա գումարը տվեց վաճառողին, բայց վաճառողը այն չնդունեց ասելով, որ այն իսկական է, պետք է կեղծ գումարով վճարել: Այդ վայրկյանից Ջելսոմինոն հասկացավ, որ նա խաբեբաների աշխարհում է:
Դաշնամուր: Վիլյամ Սարոյան
Պատմվածքի հերոսը՝ Բենը, միշտ երազել էր դաշնամուր ձեռք բերել: Նա կարծում էր, որ նվագել չգիտի, բայց ամեն կերպ ձգտում էր, որպեսզի հասնի իր նպատակին և սովորի նվագել: «Երբ մարդ փող չունի, զրկվում է շատ ու շատ բաներից, որոնք ունենալու իրավունքն ունի: Մի կողմից դա լավ է, բայց մյուս կողմից այնքան էլ լավ չի: Իրականում նույնիսկ ահավոր է»։
Կարծում եմ, որ Բենը շատ ճիշտ էր, քանի որ ինչ-որ գործ նախաձեռնելուց երբեմն փողը խանգարում է: Դա շատ վատ էր Բենի համար, քանի որ նա չկարողացավ գնել իր երազած դաշնամուրը, որին այդքան ձգտում էր։ Կյանքում պետք չէ միայն երազել և ուզել; Պետք է կամքի ուժ ունենաս, որպեսզի հասնես նպատակիդ կամ երազանքիդ։
Ես դուրս եմ բերել մակդիրներ՝ փոքրիկ դաշնամուր, տարօրինակ զգացում, փոքրիկ ռեստորան և այլն: Համեմատություններ՝ «Նա նայեց Էմմային ու ժպտաց այնպես, ինչպես ժպտում էր դաշնամուրի մոտ կանգնած՝ ստեղնաշարին նայելիս»: « Նա նորից նայեց Էմմային, ինչպես նախորդ անգամ, և Էմման ժպտաց նրան այնպես, ինչպես Բենն էր ժպտում իրեն»:
Երկնքի դարպասների մոտ։ Խորխե Բուկայ
Ես ընթերցեցի Խորխե Բուկայի «Երկնքի դարպասների մոտ» ստեղծագործությունը, որն ինձ շատ դուր եկավ: Ստեղծագործությունը ստիպում է ընթերցողին երկար մտածել կյանքի, նրա իմաստի մասին: Կարդալուց հետո սկսում ես վերհիշել քո գործած մեղքերը, լավ արարքները, մտածում ես մահվան՝ դրախտի և դժոխքի մասին: Ստեղծագործությունը շատ հետաքրքիր էր: Այն ուներ շատ խորը իմաստ:
Կարծում եմ, որ ոչ մի պատվիրան չխախտած մարդիկ շատ քիչ են աշխարհում, քանի որ մարդը չի կարող անթերի լինել: Ստեղծագործությունը նաև ապացուցում է այն, որ Աստված շատ ներողամիտ և բարի է մարդկանց և աշխարհի հանդեպ:
Ես դուրս եմ բերել մակդիրներ՝ բարի ցանկություններ, բարի մտքեր:
Բոլորիդ խորհուրդ եմ տալիս կարդալ:
Ձմեռային ընթերցարան
Антон Чехов | Рассказы
А. П. Чехов. Смерть чиновника.
Рассказ понравился. Я не могу представить, что человек умрет от чихания. Конец был для меня неожиданным.
_________________________________________________
А. П. Чехов. Толстый и тонкий.
Рассказ понравился, читал второй раз. Думаю, это могло быть даже интереснее. В детстве толстяк высмеивали и оскорбляли. А когда вырос, у него была хорошая работа, он был богат.
Հունվարյան ճամբարի երկրորդ ուսումնական շաբաթը
Ավարտվեց հունվարյան ճամբարի երկրորդ ուսումնական շաբաթը, կփորձեմ հետաքրքիր ձևով՝ գրի առնելով, տեսանյութերով և նկարներով ներկայացնել մեր ուսումնական շաբաթը, պատմեմ թե ինչքանով էր այն արդյունավետ:
Առաջին օրը՝ երկուշաբթի, այց ունեցանք դեպի Արևմտյան դպրոց՝ մեր կրտսեր սովորողների, փոքրիկների մոտ: Մեր կազմած ուսումնական նախագիծը օգնեց, որ ավելի արդյունավետ անցկացնենք հանդիպումը: Այնտեղ իրականացրեցինք “Սովորող-սովորեցնող” նախագիծը՝ նրանց սովորեցրեցինք տարբեր բառեր իտալերեն, իսպաներեն և ֆրանսերեն լեզուներով, խաղացինք խաղեր՝ մեր ուսուցչուհիներն ուտում էին մրգեր, շուտ ավարտող թիմը հաղթող էր կոչվելու: Երեխաները մեծ ոգևորությամբ երկրպագում էին ուսուցչուհիներին, մենք նույնպես ուրախ հետևում էինք խաղին: Հետո ուրիշ խաղեր էինք խաղում՝ զիլինա, պախկվոցի, բռնոցի և այլն: Կարծում եմ՝ օրը տպավորիչ էր բոլորիս համար: Ես մեծ հաճույքով և անհամբերությամբ սպասում եմ մյուս հանդիպմանը մեր կրտսեր ընկերների հետ:
Երկրորդ շաբաթվա ընթացքում ունեցանք մեր երկրորդ այցը, բայց այս անգամ դեպի Քոլեջ: Քոլեջում շատ հետաքրքիր օր ունեցանք, անկեղծ եմ ասում: Մենք ծանոթացանք տարբեր մասնագիտությունների հետ, որոնք կային նաև Քոլեջում, շրջեցինք և քայլեցինք կրթահամալիրի տարածքով: Գնացինք գինեգործարան, որտեղ էլ ընկեր Արտակը մեզ պատմեց մեր գինիների մասին, դրանց պատրաստման եղանակների մասին: Իսկ ամենավերջում մենք հարցազրույց վերցրեցինք մեր շատ սիրելի Բլեյան Տաթևից: Ընկեր Տաթևին շատ էինք կարոտել: Հարցազրույցը լսելուց հետո դուք էլ նորովի կբացահայտեք մեր Քոլեջը: Ահա մեր այցի լուսաբանումը՝ հղումը:
Մայր դպրոցի փոքր դահլիճում ունեցանք շատ հետաքրքիր հանդիպում Լիլիթ Բլեյանի հետ: Մենք դիտեցինք սովորողների պատրաստած տեսանյութը, որտեղ Լիլիթ Բլեյանի մտերիմները պատմում են Լիլիթի, նրա մանկության արկածների և կյանքի մասին: Իսպանախոսները ներկայացրեցին Լիլիթ Բլեյանի իսպանական գործերից մեկը: Նրանց մոտ կատարումը հիանալի էր ստացվել: Հետո հանդիպման հյուրերը հարցեր տվեցին նրա իր կյանքի, գործունեության, մանկության և մասնագիտության վերաբերյալ: Այդպիսով, մենք ավելի լավ ճանաչեցինք և բացահայտեցինք Լիլիթին: Ամենավերջում, նա իր գործընկեր Տիգրանի հետ կիթառի նվագակցությամբ կատարեց իր երգերից մի քանիսը, մեզ շատ դուր եկավ:
Այդ շաբաթ մեր բազմալեզվի ջոկատի սովորողները հանդիպեցին քանդակագործ Վիգեն Ավետիսի հետ: Մենք նախորոք ծանոթացել էինք նրա կենսագրության և գործունեության հետ, պատրաստվել հանդիպմանը և այլն: Բայց, ցավոք սրտի, մի քանի սովորողներս չկարողացանք ներկա գտնվել երկար սպասված հանդիպմանը, քանի որ այցելել էինք Հարավային դպրոց “Սովորող-սովորեցնող” նախագիծը իրականացնելու:
“Հարսնատես” ազգագրական խաղ | Այցելում ենք հարավային դպրոց | Ազգագրական փառատոն
“Ազգագրական փառատոն” նախագծի շրջանակներում այցելեցիք հարավային դպրոց՝ մեր կրտսեր սովորողների մոտ, որպեսզի նրանց հետ պարենք տարբեր ազգագրական պարեր, խաղանք ազգային խաղեր և այլն: Մենք խաղացինք “Հարսնատես” ազգային խաղը, որը երեխաներին շատ դուր եկավ: Մենք նույնպես հաճույքով էինք խաղում, շատ տպավորիչ էր երեխաների հետ օրը: Երեխաները շատ լավն էին, հաճելի էր նրանց հետ անցկացնել ժամանակը: Եվս մեկ անգամ կուզեի այցելեինք մեր կրտսեր ընկերներին, կրկին իրականացնեինք տարբեր այլ նախագծեր և այլն:
Ազգագրական փառատոն
«Ազգագրական փառատոն» նախագծի շրջանակներում նախընտրեցի անդրադառնալ Գյումրիին և գյումրվա տարբերվող բարբառին: Նաև նախագիծը ավելի հետաքրքրացնելու համար որոշեցի մի ճանաչված մարդու ընտրել և պատմել նրա գյումրվա ծննդի, ստեղծագործությունների և անձնական կյանքի մասին: Այդ ամենը ներկայացրել եմ ռադիոնյութի տեսքով, որպեսզի լուսաբանեմ իմ ուսումնական բլոգում: Նախագիծը ինձ օգնեց ավելի լավ ճանաչել Գյումրին, նոր ոլորտներից բացահայտել այն: Ավելի մանրամասն իմացա իմ սիրելի գրողներից մեկի՝ Հովհաննես Շիրազի կյանքի մասին, ով ծնվել և մեծացել էր Գյումրիում: Չգիտեմ, բայց ես հավանում եմ գյումրվա բարբառը: Այն որոշ չափով կապ ունի մեր ընտանիքի հետ: Իմ նախապապերը, մինչև Երևան տեղափոխվելը ծնվել և մեծացել են Գյումրիում, երևի հենց այդ պատճառով էլ սիրում եմ այդ քաղաքը և հետաքրքրված եմ նրանով: Ահա այն արդյունքը, որը ստացել եմ նախագծից՝
Գյումրվա մշակույթ և ճանաչված մարդիկ
Հովհաննես Շիրազի կենսագրությունը
Հետաքրքիր դեպք Հովհաննես Շիրազի կյանքից
Նախագծին ավելի մանրամասն ծանոթանալու համար սեղմեք՝ այստեղ:
Ազգագրական փառատոն
«Ազգագրական փառատոն» նախագծի շրջանակներում նախընտրեցի անդրադառնալ Գյումրիին և գյումրվա տարբերվող բարբառին: Նաև նախագիծը ավելի հետաքրքրացնելու համար որոշեցի մի ճանաչված մարդու ընտրել և պատմել նրա գյումրվա ծննդի, ստեղծագործությունների և անձնական կյանքի մասին: Այդ ամենը ներկայացրել եմ ռադիոնյութի տեսքով, որպեսզի լուսաբանեմ իմ ուսումնական բլոգում: Նախագիծը ինձ օգնեց ավելի լավ ճանաչել Գյումրին, նոր ոլորտներից բացահայտել այն: Ավելի մանրամասն իմացա իմ սիրելի գրողներից մեկի՝ Հովհաննես Շիրազի կյանքի մասին, ով ծնվել և մեծացել էր Գյումրիում: Չգիտեմ, բայց ես հավանում եմ գյումրվա բարբառը: Այն որոշ չափով կապ ունի մեր ընտանիքի հետ: Իմ նախապապերը, մինչև Երևան տեղափոխվելը ծնվել և մեծացել են Գյումրիում, երևի հենց այդ պատճառով էլ սիրում եմ այդ քաղաքը և հետաքրքրված եմ նրանով: Ահա այն արդյունքը, որը ստացել եմ նախագծից՝
Գյումրվա մշակույթ և ճանաչված մարդիկ
Մանուկյան Կարինա 