Ապրիլի 1
Այսօր իմ ամենասիրելի տոներից մեկն է՝ Ապրիլի 1-ը: Այսօր իմ տրամադրությունը շատ բարձր է, քանի որ ես ամբողջ գիշեր շատ կատակներ էի մտածել: Առավոտյան, երբ դպրոց էի գալիս ես եղբորս ասացի, որ մենք մի քանի շաբաթով Ֆրանսիա ենք գնում և նրան չենք տանում: Նա ինձ հավատաց և շատ տխրեց: Բայց երբ իմացավ, որ ես նրան խափել եմ, ծիծաղեց:
Հանրահաշվի ժամին ամբողջ դասարանով ընկեր Մենուային ասացինք, որ ամբողջ շաբաթվա ընթացքում ոչինչ չենք արել, դասին էլ անպատրաստ ենք եկել: Նա շատ զարմացավ: Բայց երբ որ իմացավ, որ մենք նրա ապրիլի 1-ն էինք շնորհավորում, ավելի զարմացավ:
Ռուսերենի ժամին մենք պետք է «ինչ, որտեղ, երբ» խաղայինք: Բոլորը շատ լավ էին տրամադրված: Մենք նրանց ասացինք, որ չենք խաղալու: Մի քանիսը չհավատացին, իսկ մյուսներն էլ շատ տխրեցին: Բայց երբ, որ իմացան, որ խաղալու ենք նորից տրամադրությունները բարձրացավ:
Երբ գնացի տուն, ես իմ ընկերուհիներին՝ Ասյային, Մարիաննային, Միլենային և Լիլիթյն ասացի, որ չեմ ուզում նրանց հետ շփվել: Սկզբում նրանք ինձ չհավատացին: Իսկ հետո նրանք տխրեցին: Ես նրանց ասացի, որ իրենց ապրիլի 1-ն եմ շնորհավորում:
Ահա այսպիսինն էր իմ իմ Ապրիլի 1-ը: Շնորհավոր բոլորի տոնը: