Թագավորի ծառան և Սոկրատը
- Տեսնելով Սոկրատին, որը սնվում էր արմատներով, մի մարդ ասաց.
— Եթե դու ծառայեիր մեր թագավորին, դու երբեք չէիր սնվի արմատներով:
— Իսկ եթե դու բավարարվեիր արմատներով, քեզ պետք չէր լինի ծառայել քո թագավորին,- պատասխանեց փիլիսոփան:
Առակի գաղափարն այն էր, որ ավելի լավ է աղքատ լինես և ազատ, քան ծառայես ինչ-որ մեկին:
Չարն ու բարին
2. Վաղուց, շատ վաղուց ծերունին իր թոռնիկի առջև բացեց կյանքի ճշմարտությունը:
— Յուրաքանչյուր մարդու մեջ պայքար է մղվում, որը նման է գայլերի կռվին: Մի գայլը մարմնավորում է չարությունը՝ նախանձ, խանդ, ափսոսանք, եսասիրություն, գոռոզություն, ստախոսություն: Մյուս գայլը՝ բարին՝ համերաշխություն, սեր, հույս, ճշմարտություն, բարություն, հավատարմություն:
Թոռնիկը, մինչև հոգու խորքը հուզված ծերունու բառերից, մտածեց, ապա հարցրեց.
— Իսկ ո՞ր գայլն է վերջում հաղթում:
Ծերունին ժպտաց և պատասխանեց.
— Միշտ հաղթում է այն գայլը, որին դու կերակրում ես:
Մարդը կարող է լինել լավը կամ վատը: Որ ճանապարհը ընտրի այդ ուղով էլ կգնա:
Ուսուցիչն ու աշակերտները
3.Մի անգամ ուսուցիչը հարցրեց երեք աշակերտներին.
— Ինչո՞ւ է կոտրվում պատուհանի ապակին, երբ նրա վրա քար են նետում:
— Որովհետև քարը ծանր է, — պատասխանեց առաջին աշակերտը:
— Որովհետև ապակին փխրուն է,- պատասխանեց երկրորդը:
— Որովհետև ձեռքը, որը նետում է քարը, ուժեղ է, իսկ հարվածը՝ դիպուկ,- պատասխանեց երրորդը:
— Ձեզնից ոչ ոք չտվեց հստակ պատասխան,-ասաց ուսուցիչը: — Որովհետև պատուհանը փակ էր:
Սովորեք ապրել բաց սրտով, և ոչ մի թշնամաբար արձակված նետ չի կոտրի այն, այլ կանցնի հոգու նուրբ հյուսվածքի միջով:
Եթե դու բարի լինես, քեզ ոչ-ոք չի կարող փոխել և ոչ-մի վատություն քեզ վնաս չի տա: