Day: 07.05.2018
Հանրոգուտ աշխատանք
Անցած շաբաթ 6.1 դասարանը և մենք այսօր ջերմոց բուծարանի ծաղիկները ջրեցինք: Ծաղիկներից մի քանիսը տեղափոխեցինք դպրոցի գլխավոր մուտքի մոտ: 6.1 դասարանի սովորողները փաթաթվող և մագլցող բույսեր են տեղափոխել (իպոմեա, պասիֆլորա): Նրանք թելերով կապել են, որպեսզի բույսերը բարձրանան վերև: Իսկ մենք տեղափոխեցինք քլորոֆիտումներ և թափվող բույսեր:
Մենք կանաչապատեցինք մեր դպրոցի գլխավոր մուտքը:
Մայիսի 7 դասարանում
1) Ուղղակի խոսքը դարձրո´ւ անուղղակի:
1. Մայրս ինձ հարցրեց, թե որտեղ եմ պահել մեր կախարդական շղթան:
2. Աղվեսն ագռավին խնդրեց, որ երգի իր համար: Նա շատ լավ է երգում:
3. Արջն աղվեսին ասում էր, որ ինքը աշխարհի ամենասիրուն աղվեսն է:
4. Պապս ասաց, որ իր իմացած միակ լեզուն հայերենն է:
Եղբայրս ասաց, որ ինքը շատ լավ էլ խոսում է ծառ ու ծաղկի ու կենդանիների հետ:
5. Տղան ասաց, որ չգիտի, նրանք քանի լեզու գիտեն, բայց հայերենը շատ լավ հասկանում:
2) . Ինքդ գրի’ր ուրիշի ուղղակի խոսքով 5 նախադասություն և դրանք դարձրու անուղղակի:
Ուղղակի
Միլենան ասաց.
-Այսօր Ասյայի ծնունդն է:
Անուղղակի
Միլենան ասաց, որ այսօր Ասյայի ծնունդն է:
Ուղղակի
Լիլիթն ասաց.
-Ես շատ եմ ուզում ապրել Ամերիկայում:
Անուղղակի
Լիլիթն ասաց, որ ինքը շատ է ուզում ապրել Ամերիկայում:
Ուղղակի
Ուսուցիչն ասաց.
-Երեխանե՜ր, դասը սկսվել է:
Անուղղակի
Ուսուցիչն ասաց երեխաներին, որ դասը սկսվել է:
Ուղղակի
Սաթինեն ասաց.
-Ես շատ եմ սիրում հայկական ուտեստներ:
Անուղղակի
Սաթինեն ասաց, որ ինքը շատ է սիրում հայկական ուտեստներ:
Ուղղակի
Մարիաննան ասաց.
-Իմ մազերը շականակագույն են:
Անուղղակի
Մարիաննան ասաց, որ իր մազերը շականակագույն են:
3) Փոխադրել հատվածը.
Ձմեռն էանց, անձրեւք անցին եւ գնացեալ մեկնեցան: Ծաղիկք երեւեցան յերկրի մերում, ժամանակ եհաս հատանելոյ, ձայն տատրակի լսելի եղեւ յերկրի մերում: Թզենի արձակեաց զբողբոջ իւր, որթք մեր ծաղկեալք ետուն զհոտս իւրեանց: Արի եկ, մերձաւոր իմ, գեղեցիկ իմ, աղաւնի իմ, եւ եկ դու: Երեւեցո ինձ զերեսս քո եւ լսելի արա ինձ զբարբառ. զի բարբառ քո քաղցր է, եւ տեսիլ քո գեղեցիկ:
Ձմեռն անցավ, անձրևները անցան և գնացին հեռացան: Ծաղիկները երևացին մեր երկրում, ժամանակն անցավ էտելու, տատրակի ձայնը լսվում է մեր երկրում: Թզենին բողբոջներ տվեց, մեր ծաղկած որթերը տվեցին իրենց բույրերը: Արի իմ մերձավոր, իմ գեղեցիկ, իմ աղավնի, դու նույն պես արի: Ցույց տուր ինձ քո երեսը և լսելի արա քո խոսքը, քանի որ քո խոսքը քաղցր է և տեսքը քո՝ գեղեցիկ:
Կարդա այսպես.
յերկրի — հերկրի
հատանելոյ — հատանելո
զբողբոջ — ըզբողբոջ
իւր — յուր
զհոտս — ըզհոտըս
իւրեանց — յուրյանց
զբարբառ — ըզբարբառ
Բառարան
էանց — անցավ
անձրեւք — անձրևներ (ը)
անցին — անցան
գնացեալ — գնացած, գնացել, գնալով (այստեղ` նաև գնացին)
մեկնեցան — մեկնեցին, հեռացան
ծաղիկք — ծաղիկներ (ը)
յերկրի մերում — մեր երկրում
եհաս — հասավ
հատանելոյ — էտելու
ձայն տատրակի — տատրակի ձայն (ը)
զբողբոջ իւր — իր բողբոջը
որթք մեր ծաղկեալք — մեր ծաղկած որթերը
ետուն — տվեցին
զհոտս իւրեանց — իրենց հոտերը` բույրերը
արի — վեր կաց
երեւեցո — երևեցրու, ցույց տուր
զերեսս քո — քո երեսը
զբարբառ քո — քո խոսքը
տեսիլ քո — քո տեսքը