Պատմություն, ասույթներ, բանաստեղծություններ, հղումներ
Նյութը հավաքեցին՝ Գսպոյան Աննա, Հարությունյան Լիլիթ
Խմբագրեց՝ Սոնա Արսենյան 2013թ.
Նվիրվում է Մայրենի լեզվի տոնին
Աշխարհի ամենալավ և ամենավատ բանը` լեզուն
— Եզոպոս, այսօր ճաշին բարեկամներս գալու են, գնա և մեզ համար աշխարհի ամենալավ և ամենագեղեցիկ բանը պատրաստիր:
«Լավ,- մտածեց Եզոպոսը,- սպասիր, ես քեզ սովորեցնեմ, թե ինչ է նշանակում հիմար հրամաններ տալ»: Նա գնաց մսի խանութ, նոր փողոտված լեզուներ գնեց, և երբ տուն եկավ, մի մասը տապակեց, մի մասը խաշեց, մյուս մասն էլ պատրաստեց սառը համեմունքներով: Նշանակված ժամին հյուրերը հավաքվեցին:
— Եզոպոս, մեզ համար ուտելիք բեր:
Եզոպոսը բոլորին սոուսով խաշած լեզու մատուցեց:
— Օհո՜, ուսուցիչ,-ասացին աշակերտները,- նույնիսկ քո ճաշն էլ է փիլիսոփայական. ոչինչ չի վրիպում քո աչքից: Դեռ նոր ենք տեղավորվել սեղանի շուրջ, բայց արդեն լեզու են մատուցում:
Շքեղ մի տուն մտա, հայի մի տուն
Կարասիներ, գորգեր ու սպասքներ ընտիր.
Ճռնչում էր գրքից պահարանը փայլուն,
Ու նրա մեջ ո՜չ մի հայերեն գիրք.
Բազմած էին այնտեղ գրչի մեծեր անթիվ,
Միայն մեր Մաշտո՜ցը այնտեղ չկար,
Ինքն իր որդուց` մերժված, ինքն իր որդուն` օտար,
Ինքն իր տան մեջ դարձած վտարանդի…
Մռայլվել էր Մասսի հայացքը սառ.
Օրորվում էր տխուր հայոց բարդին…
1958թ.
Սիլվա Կապուտիկյան, Երկերի ժողովածու, հատոր առաջին, Հայաստան հրատարակչություն, Երևան 1974թ., 407:
Հայաստանի բանալին հայ ազգի նուիրական լեզուն է
«Սիրելի զաւակս Հայկ-Արամ,
Հայաստանի բանալին հայ ազգի նուիրական լեզուն է, սովորի’ր եւ Հայրենիքի դռները բաց են: Աւետիք Իսահակեան»:
(Զաւէն Մսըրլեանի նամակէն, «Սովետական Հայաստան» ամսագիր, Երեւան, Դեկտեմբեր 1970, թիւ 12 (697). արտատպուած է հետեւեալ ժողովածուին մէջ. Զաւէն Մսըրլեան, «Մամուլէն Փրցուած Էջեր», Պէյրութ, 2013, մէջբերումը` էջ 236):
Միքայել Նալբանդյանը` հայոց լեզվի մասին
Հայ լեզուն է այն սարսափելի ուժը, որի ընդդեմ տկար են նաև միլիոնավոր բարբարոսների սվինները: Լեզուն է ազգությանց դրոշակը, լեզուն է նոցա որպիսության և վիճակի հայտարարը:
Հայ լեզուն` աղբիւր յաւերժութեան
Սոյն ժողովածուն կը բաղկանայ հիմնական երկու մասերէ, որոնցմէ իւրաքանչիւրը կ’ընդգծէ 25 բանաստեղծութիւններ: Առանձին մասը յատկացուած է արեւմտահայ, իսկ երկրորդը` արեւելահայ բանաստեղծութիւններու:
«Հայոց լեզուն հազարագանձ»
2007թ.
http://www.ararat-center.org/upload/files/Hayots_lezoun_hazaragandz.pdf
Միևնույն է՝ հայերենը գրվում է հայատառ
Ու հավես չկա հին սովորությունը մի կողմ դնել,
Միևնույն է՝ հայերենը գրվում է հայատառ,
Որովհետև կամ պետք է զոհ գնալ քայքայիչ սովորությանը, կամ ձերբազատվել դրանից: