Գլուխ 1, Հոդված 2
Հայաստանի Հանրապետությունում իշխանությունը պատկանում է ժողովրդին: Ժողովուրդն իր իշխանությունն իրականացնում է ազատ ընտրությունների, հանրաքվեների, ինչպես նաև Սահմանադրությամբ նախատեսված պետական և տեղական ինքնակառավարման մարմինների ու պաշտոնատար անձանց միջոցով: Իշխանության յուրացումը որևէ կազմակերպության կամ անհատի կողմից հանցագործություն է:
Ես լիովին համաձայն եմ այն մտքի հետ, որ իշխանությունը ժողովրդին է պատկանում: Կարծում եմ՝ ժողովուրդը լրիվ իրավունք ունի ընտրելու իր երկրի կառավարչին, ունի իրավունք արտահայտել իր կարծիքը:
Գլուխ 1, Հոդված 7
Ազգային ժողովի և համայնքների ավագանիների ընտրությունները, ինչպես նաև հանրաքվեներն անցկացվում են ընդհանուր, հավասար, ազատ և ուղղակի ընտրական իրավունքի հիման վրա՝ գաղտնի քվեարկությամբ:
Ես լիովին տեղեկացված չեմ տվյալ հոդվածից, բայց կողմ եմ: Ինձ շատ հետաքրքրեց այս հոդվածը, հենց այդ պատճառով էլ հենց սա ընտրեցի վերլուծելու համար: Ըստ իս՝ շատ հետաքրքիր են գաղտնի քվեարկությունները անցկացվում, ազատ ու արդար:
Գլուխ 1, հոդված 12
Հայաստանի Հանրապետության պետական լեզուն հայերենն է:
Միանշանակ, կողմ եմ այն մտքին, որ մեր պետական լեզուն լինի հայերենը: Վստահ եմ՝ բոլորս շատ լավ ծանոթ ենք սահմանադրության այս հոդվածին: Ընտրեցի այս հոդվածը, քանի որ ինձ շատ դուր եկավ:
Գլուխ 2, հոդված 21
Յուրաքանչյուր ոք ունի բնակարանի անձեռնմխելիության իրավունք: Արգելվում է մարդու կամքին հակառակ մուտք գործել նրա բնակարանըբացառությամբ օրենքով նախատեսված դեպքերի: Բնակարանը կարող է խուզարկվել միայն դատարանի որոշմամբ
օրենքով սահմանված կարգով:
Ըստ իս՝ այս օրենքը շատ ճիշտ է, ես կողմ եմ օրենքին: Միանշանակ, մարդու կամքին հակառակ չի կարելի մուտք գործել նրա սեփական տարածք՝ բնակարան: Դատարանի որոշմամբ կարելի է խուզարկել, քանի որ դատարանն ունի այդ իրավունքը:
Գլուխ 2, հոդված 33
Յուրաքանչյուր քաղաքացի ունի ծերության, հաշմանդամության, հիվանդության, կերակրողին կորցնելու, գործազրկության և օրենքով նախատեսված այլ դեպքերում սոցիալական ապահովության իրավունք:
Իմ կարծիքով՝ այս օրենքը շատ հետաքրքիր է: Նման դեպքերում շատ է օգտագործվում այս հոդվածը, շատ մարդիկ ստանում են սոցիալական ապահովություն: